Կատարվածը հեղափոխություն չեմ համարում.Վ. Սարգսյան
«Կարծում եմ, որեւէ մարդ, որը գոնե մեկ օր, մեկ ամիս կամ այլ ժամկետ նվիրել է հայրենիքի պաշտպանության գործին, չի կարող չանել ամեն ինչ, որ անկախ հայացքներից, ով էլ լինի ՊՆ նոր նախարարը, պատրաստ չլինի օգնել ինչով կարող է: Մեր նախարարությունում, մեր կողմից իրականացվող ծրագրերը հույս ունեմ կշարունակվեն, քանի որ անձնական ամբիցիաների ու քաղաքական հայացքների խնդիր չէ, այլ երկրի պաշտպանության խնդիր: Ես չեմ համարում, որ երկրի անվտանգության պաշտպանությունը միայն է կուսակցության որոշումների արդյունք պետք է լինի, ես բազմիցս փորձել եմ ծրագրերը ներկայացնելիս խորհրդակցել ԱԺ տարբեր ֆրակցիաների հետ, ոչ միշտ եմ աջակցություն ստացել բոլոր կուսակցություններից, ինչը եւս այդքան էլ ճիշտ չեմ համարում: Իմ ծառայությունը լինելու է բազմազան ու բազմատեսակ, ինձ թվում է, ցանկացած մարդ, ով ունի որոշակի ոլորտում փորձ, կարող է այդ փորձը ինչ-որ կերպ փոխանակել: Ես ինձ կնվիրեմ մի փոքր մանկավարժական աշխատանքին, իմ ընտանիքին, լիարժեք հանգստին, քանի որ վերջին 23 տարին լիարժեք չեմ հանգստացել, կնվիրվեմ իմ սիրելի զբաղմունքներին»,-լրագրողների հետ հանիպմանը հայտարարեց Պաշտպանության դեռեւս գործող նախարար Վիգեն Սարգսյանը: Կրկին պատասխանելով նոր կառավարության մասին հարցերին, Վիգեն Սարգսյանը նշեց. «Ես տեղի ունեցածը հեղափոխություն չեմ համարում, հեղափոխությունը պետաիրավական համակարգի փոփոխություն է: Սա իշխանափոխություն էր, երբ մի ֆրակցիայի ներկայացուցչին վարչապետի պաշտոնում փոխարինեց մեկ այլ ֆրակցիայի ներկայացուցիչ: Բայց սա ավելի շատ դիկտատուրայի է նմանվում, որովհետեւ փոքրամասնության ներկայացուցիչը ղեկավարելու է երկիրը ու ցանկացած հարցի դեպքում, որն իրեն դուր չի գա ու չի ստանա մեծամասնության աջակցությունը, մարդկանց կհանի փողոց» Անդրադառնալով Նիկոլ Փաշինյանի հետագա կառավարմանը, Վիգեն Սարգսյանն ասաց, որ կարծում է՝ Նիկոլ Փաշինյանն ազնիվ մղումներով ու անկեղծ համոզվածությամբ կփորձի իրականացնել իր ծրագրերը ու ինքն անկեղծ հաջողություն է մաղթում:
Հետևեք մեզ Viber-ում
