ՀՀ վարչապետ Նիկոլ Փաշինյանի ընտանիքը/տեսաշար/

Այսօր Նիկոլ Փաշինյանը  հայերի կողմից ամենասիրված քաղաքական գործիչն է։ ՀՀ նորանշանակ  վարչապետը նախադեպը չունեցող հեղինակություն է վայելում Հայաստանում: Նիկոլ Փաշինյանը  լավ օրինակ կարող է ծառայել նաև իր ընտանիքով: Մեր վարչապետը  բազմազավակ ընտանիքի հայր է, իսկ նրա կինը՝ Աննան, հայ կնոջ հրաշալի օրինակ է, ով ամուսնու կողքին է ու սատարում է յուրաքանչյուր իրավիճակում: Մասնագիտությամբ լրագրող Նիկոլ Փաշինյանի կինը` Աննա Հակոբյանը, եւս լրագրող է։ Նա «Հայկական ժամանակ» թերթի գլխավոր խմբագիրն է։ 21 տարվա երջանիկ ամուսիններն ունեն երեք դուստր և մեկ որդի։ Փաշինյանը կնոջ հետ ծանոթացել է 1995թ. «Մոլորակ» թերթի խմբագրությունում, երբ Նիկոլն արդեն ճանաչված լրագրող էր, իսկ Աննան առաջին կուրսեցի, ով գնացել էր խմբագրություն նյութ հանձնելու։ «Շատ էի լսել Նիկոլ Փաշինյան անուն ազգանունը եւ ինձ հետաքրքիր էր, թե ինչպիսին է նա»,-պատմում է Աննան։ «Ինձ համալսարանից հեռացրեցին, քանի որ քաղաքական հայացքները չէի կիսում ռեկտորի հետ։ Այդ ժամանակ քարոզչություն էր իրականացվում, թե ինչպիսին չպետք է լինի ուսանողը եւ որպես օրինակ ես էի բերվում, ինչն էլ անձիս հանդեպ հետաքրքրություն էր առաջացնում»,- պատմում է Փաշինյանը։ Աննան  պատմում է, որ Նիկոլը հիանալի ամուսին ու հայր է։ Չնայած հագեցած աշխատանքային գրաֆիկին, հասցնում է ժամանակ անցկացնել երեխաների հետ։ Նիկոլ Փաշինյանը հաճախ է կնոջը ծաղիկներ նվիրում։ Ամուսինները հաճախ են այցելում թատրոն։ Տանը նրանք անգամ արկղ ունեն, որում պահում են իրենց այցելած բոլոր ներկայացումների տոմսերը։ «Սովորաբար տնային խոսակցությունները փորձում ենք հեռու պահել քաղաքականությունից»,- ասում է Նիկոլ Փաշինյանը։ Քաղաքական գործիչը նշում է. «Կարծում եմ յուրաքանչյուր տղամարդու ետեւում կինն է կանգնած եւ տղամարդուց կարելի է իմանալ՝ ինչպիսին է նրա կինը»։ Նիկոլ Փաշինյանի որդին՝ Աշոտը, 19 տարեկան է։ Նա ավարտել է Մխիթար Սեբաստացու անվան դպրոցը։ Նիկոլ Փաշինյանի կրտսեր դուստրը` Արփին,  3 տարեկան է։