Գյուղացիական վարկերի ներման համար բանակցություններ սկսել բանկերի հետ. Նիկոլ Փաշինյան
«Արտերկրում ապրող մեր հայրենակիցներ ն, որոնք բիզնեսով են զբաղվում արտերկրում, իսկ Հայաստանում արհեստական խոչընդոտների պատճառով բիզնես գործունեություն չեն ծավալել:Դիմում եմ Ձեզ: Ձեր վերադարձի ժամը եկել է: Իմ վարչապետ ընտրվելը կվերացնի բոլոր ապօրինությունները: Հայաստանի տնտեսական դաշտը սպասում է ձեր ներդրումներին: Սա նաև ազգային անվտանգության հարց է»,-ԱԺ-ում իր ելույթում նշեց վարչապետի թեկնածու Նիկոլ Փաշինյանը:
« Պետք է սկսել մեծ հայրենադարձության գործընթացը, պետք է սկսվի արտագաղթի անիվը հետ պտտել:Կադրային ջարդ չի լինելու, քանի որ ՀՀ պետական համակարգում կան պրոֆեսիոնալներ, որոնց տաղանդը չի դրսեւորվել: Պետական կառավարման համակարգում պետք է մեկտեղել մեր ջանքերը երաշխավորելու բիզնեսի ազատագրումը կոռուպցիոն համակարգից: Իսկ ազատված միջոցները պետք է դառնան ներդրումներ: Անհրաժեշտ է կիրառել տնտեսական զարգացման այնպիսի մոդել, որը կկրճատի աղքատությունն ու կթեթեւացնի սոցիալական վիճակը»,- ասաց Նիկոլ Փաշինյանը:
Վարչապետի թեկնածուի խոսքով՝ առաջիկայում դեպի Իրան խոշոր եւ մանր եղջերավոր անասունների արտահանման համար նոր հնարավորություններ կբացվեն, իսկ դեպի ԵԱՏՄ գյուղմթերքների արտահանման համար հնարավորությունները կընդլայնվեն:
Հետևեք մեզ Viber-ում
