Փորձ է արվում մեր մեջ վեճ փնտրել. Մարուքյանը` Փաշինյանի հետ հարաբերությունների մասին

«Ելք» խմբակցության պատգամավոր Էդմոն Մարուքյանը ԱԺ-ում լրագրողների հետ ճեպազրույցում հայտարարեց,որ «Լուսավոր Հայաստան» կուսակցությունը չի շտապում խոսել, թե կառավարությունում ինչ տեղեր կարող է իրեն բաժին ընկնել Փաշինյանի վարչապետ ընտրվելուց հետո: Նա  կոչ արեց սպասել ընտրություններին, որից հետո Փաշինյանը կահավաքի կառավարություն։ Ելք դաշինքը կա, և դրա ապագայի վերաբերյալ այս պահին քննարկումներ չկան: Մենք միշտ ասել ենք, որ անձերի դեմ պայքարով ոչինչ չի փոխվի,անդրադառնալով ՔՊ-ի վերաբերյալ իրենց քննադատություններին, այս մասին նշեց ԱԺ Ելք խմբակցության պատգամավորը: Նրա խոսքով, այժմ շատ կարևոր է շարունակությունը: «Մենք մտնում ենք մի ավելի բարդ փուլ: Ով նախաձեռնել է, ով կազմակերպել է, ով հավատացել է դրան, նա էլ պետք է լինի վարչապետ: Դա և հնարավորություն է, և պատասխանատվություն»,- նշեց նա: Մարուքյանը նկատեց, որ իրենք ի սկզբանե փողոցում չէին, որովհետև պնդում էին, թե պետք է պայքարել ոչ թե անձերի, այլ՝ համակարգի դեմ։ Նրա խոսքով՝ Սերժ Սարգսյանի հրաժարականից հետո, երբ նրան փորձեց փոխարինել Կարեն Կարապետյանը, դա արդեն համակարգային հարց դարձավ։ «Երբ դարձավ համակարգային պայքար, մենք եղանք փողոցում։ Մինչ այդ մենք ունեցել ենք դերակատարում, ես չէի ցանականա դրա մասին խոսել, որովհետև ինչ արել ենք, բոլորը տեսել են», – հավելեց նա՝ ընդգծելով, որ իրենք մեղավորություն չեն զգում, որովհետև մենակ չեն թողել Փաշինյանին և ինչ պայմանավորվածություն ունեցել են մինչ այս պահը, բոլորը կյանքի են կոչվել։ Փորձ է արվում մեր մեջ վեճ փնտրել,ասաց Մարուքյանը` Փաշինյանի հետ հարաբերությունների մասին: