Շիրակի պետհամալսարանի ՀՀԿ-ական ռեկտորը հրաժարական կտա. հեղափոխությունը թեկնածու ունի

«Առավոտ» թերթը գրում է. «Մեր տեղեկություններով՝ տեւական ժամանակ մամուլում բարձրացված խնդիրների ու չարաշահումների հետ­քերով Շիրակի պետական համալսարանի ռեկտոր, ՀՀԿ Շիրակի մարզային կառույցի ղեկավար Սահակ Մինասյանը հրաժարական կտա այսօր կամ երկուշաբթի: ՇՊՀ-ի ռեկտորի պաշտոնում Նիկոլ Փաշինյանի թի­մը դիտարկում է նախկին ռեկտոր՝ ԲՀԿ-ական Վարդեւան Գրիգորյանի թեկնածությունը: Շիրակի պետական համալսարանի դասախոսները սկսել են հակառակ գործընթացը՝ համոզելու Վարդեւան Գրիգորյանին, որ իրենք միշտ հոգով եղել են նախկին ռեկտորի թիմակիցները եւ ստիպված են եղել աշխատել ՀՀԿ-ական Սա­հակ Մինասյանի հետ: «Առավոտը» փորձեց Սահակ Մինասյանից ճշտել իր հավանական հրաժարականի մասին տեղեկությունը, բայց նա չարձագանքեց մեր հեռախոսազանգերին»: Առավել մանրամասն՝ թերթի այսօրվա համարում