Թան էլ չէ փրթած մածուն ձեզ.Փաշինյանը՝հանրապետականներին (video)
«Այնինչ երեկ տեղի ունեցավ ԱԺ-ում, ուներ 3 հիմնական նպատակ :Նրանք հույս ունեին, որ հարցուպատասխանի ընթացքում չգիտեմ ինչ էր տեղի ունենալու , որ հարցուպատասխանի ժամանակ ժողովուրդը միանգամից փոխելու է իր կարծիքն իմ մասին: Դա չաշխատեց»,- հանրահավաքի ժամանակ հայտարարեց Նիկոլ Փաշինյանը: « Նրանք հույս ունեին, որ իրենց պահվածքով կբորբոքեն ժողովրդին ու հնարավոր կլինի սադրանքներ կազմակերպել, չաշխատեց:Նրանք հույս ունեին, որ իբր իրենց կհաջողվի հուսահատեցնել ժողովրդին ու հանրահավաքի մասնակիցների թիվը կպակասի: Թան էլ չէ փրթած մածուն ձեզ: Այսօր ՀՀ-ում չի եղել ոչ մի բաց ճանապարհ: Այսօր առավոտից ամբողջությամբ փակված է եղել Զվարթնոց օդանավակայանը: Այսօր ինձ զանգում էին գյուղապետեր և ասում, որ ուղիղ 8:15-ին փակել են իրենց գյուղի ճանապարհները: Իսկ հիմա ամենասենսացիոն փաստը՝ առավոտյան Ռուբենյան փողոցը փակվել է չինացի զբոսաշրջիկների կողմից, որոնք պահանջել են ժողովրդի թեկնածուին կարգել ՀՀ վարչապետ: Սա իսկապես աննախադեպ ծավալ էր»,-հավելեց Փաշինյանը:
Հետևեք մեզ Viber-ում
