«Հեղափոխությունն արդեն ձևավորել է սև խոռոչը, որը կլանելու է ամեն ինչ, ինչ դեմն ընկնի...». Ստյոպա Սաֆարյան

ՀՀԿ-ականների իշխանության ողբերգություններից մեկն էլ այն է, որ ցինիզմով հայտարարում էին, թե քաղաքականության համար խելք պետք չէ, տարբեր պաշտոններում նշանակումներով ու խորհրդարան տարվող ախոռով ցույց էին տալիս, որ վերև բարձրանալու համար կրթություն ու ազնվություն պետք չէ: Մինչդեռ կարևոր էր, որ գոնե դպրոցական դասագրքային մակարդակով իմանային Նյուտոնի օրենքները, որ մի օր Նիկոլի նման մեկը կգա այսպիսի ուժգին գրավիտացիայի կենտրոն կդառնա ու դեպի իրեն կձգի ողջ ժողովրդին, որ ոչ մի կերպ չեն կարող դրա դեմն առնել, որ տարիներով չի կարելի սեղմել, ոտնատակ տալ սեփական ժողովրդին, մի գեղեցիկ օր հակազդեցություն է լինելու այն չափով, ինչ չափով ճնշել են... էհ, որ մեկն ասենք.... Գիտեիք թե կռուտիտներով է, լղոզված իրավաբանական ճտպտներով է, բաժակաճառերով է.... Եթե մարդկանց/ձեր հորինած օրենքներին կարողանաք դեմ գնալ, տիեզերքի ու բնության կատարյալ օրենքներին դեմ չեք կարող գնալ... Հեղափոխությունն արդեն ձևավորել է սև խոռոչը, որը կլանելու է ամեն ինչ, ինչ դեմն ընկնի... Ստյոպա Սաֆարյանի գրառումը