Ռոբերտ Քոչարյան անունով մարդը, ով Սահարա անապատում սատկած առյուծների հետ նկար էր նկարվում, նորից հայտնվել է.Դավիթ Սանասարյան
«Ես ձեզ ոնց եմ սիրում... Սիրելի արցախցիներ, հատկապես ձեզ եմ ասում, եկեք այս հրապարակ ու տեսեք Արցախն ազատագրած հրամանատարներն հիմա այստեղ են»,- Դավիթ Սանասարյանը հանրապետության հրապարակում հանրահավաքի ժամանակ իր ելույթը սկսեց ժողովրդին ուղղված սիրո խոստովանությամբ: «Սիրելիներս, Ռոբերտ Քոչարյան անունով մարդը, ով Սահարա անապատում սատկած առյուծների հետ նկար էր նկարվում, նորից հայտնվել է: Այս մարդը անհանգստացած է, որովհետեւ իր հովանավորմամբ ստեղծված համակարգը փլուզվում է, այս մարդը անհանգիստ է, որովհետեւ ուզում էր էլի մեկ մարտի 1 անել, բայց չստացվեց: Ուրեմն, հավաքվիր ու ռադ եղիր ստեղից, էս ժողովուրդը վաղուց է քեզ ուղարկել գրողի ծոցը: Փորձում են ադրբեջանական քարոզչություն խառնել, բայց մենք ենք տերը մեր երկրի»,-հավեց նա:
Հետևեք մեզ Viber-ում
