Հաճելի եւ պատասխանատու էր ծառայել մեր ժողովրդին, մեր պետությանը. Արմեն Ամիրյան
Արդեն տեղեկացրել ենք,որ Մշակույթի նախարարի պաշտոնակատար Արմեն Ամիրյանը հրաժարական է տվել: Հրաժարականից հետո Ամիրյանը հանդես է եկել հայտարարությունում: «Սիրելի հայրենակիցնե′ր՝ գործընկերնե′ր, ՀՀ նախագա′հ, ՀՀ մշակույթի նախարարության աշխատակիցնե′ր, ՀՀ կառավարության իմ գործընկերնե′ր և վարչապետի պաշտոնակատար Կարեն Կարապետյա′ն, բոլորիդ առանձնահատուկ շնորհակալությունս եմ հայտնում մոտ մեկ և կես տարվա համագործակցության, համատեղ աշխատանքի համար։ Հաճելի և պատասխանատու էր ծառայել մեր ժողովրդին, մեր պետությանը՝ հանուն մշակույթի զարգացման։ Այս ընթացքում հասցրեցի անել այն, ինչ հասցրեցի։ Իսկ բազմաթիվ այն ծրագրերը, որոնք ավարտին հասցնել չստացվեց, վստահ եմ, որ նախարարության իմ գործընկերները կփորձեն լավագույնս իրագործել։ Միշտ պատրաստ եմ ծառայել հայրենի մշակույթին՝ անկախ զբաղեցրած դիրքից և պաշտոնից։ Սիրով՝ Արմեն Ամիրյան», - ասված է Ամիրյանի հայտարարության մեջ:
Հետևեք մեզ Viber-ում
