Կոչ ՀՀ դիվանագետներին, գնահատական տվեք ներքաղաքական իրավիճակին

ՀԱԿ-ի անդամ Վլադիմիր Կապարետյանը հանդես է եկել հայտարարությամբ` ուղղված «դիվանագետ գործընկերներին»: «Դիմում եմ դիվնագետ գործընկերներիս, Կրկին ժողովուրդը դրսում է, փոխելով ներքաղաքական ստատուս-քվոն և ճանաչելի դարձնելով մեր երկիրը ողջ աշխարհին: Ծավալվող գործընթացի արդյունքում ձեզանից շատերին նշանակած անձնավորությունը այլևս իշխանության չէ. հասկանալով պահի լրջությունը Ս. Սարգսյանը հրաժարական տվեց և ընդունեց սխալը: Հայաստանը ցավոք չունի այն մշակույթը, որ քաղաքական թիմի անդամները, այդ թվում քաղաքական նկատառումներով նշանակված բարձրաստիճան դիվանագետները ընդունեն համապատասխան քաղաքական որոշում: Սակայն այսօր, երբ ակնհայտ է, որ ՀՀԿ-ի կողմից, հակառակ իրենց առաջնորդի քայլի, իշխանությանը կառչելու փորձերը հարված են մեր երկրի անվտանգությանը, տնտեսության զարգացմանը, կարող են խաթարել միջազգային վարկը: Մենք, դիվանագետներս դա ավելի սուր ենք պատկերացնում և հասկանում խորությամբ: Հայաստանը թուլացնելու ընթացքը կասեցնելու համար կարիք կա սթափ խոսքի և ճշգրիտ գնահատականի: Մենք, իհարկե, կարող ենք պատսպարվել պետության համար ծառայողի թաքստոցի տակ և չտեսնելու տանք այն, ինչ կատարվում է Հայաստանում, սակայն ես կարծում եմ, որ ժամանակն է արձագանքել ժողովրդի զարթոնքին և տալ գնահատական ստեղծված իրավիճակին», - ասված է Կարապետյանի հայտարաության մեջ: