«Ոնց-որ ռուսներին տղա՞ եք կանչում, չեմ հասկանում». Արարատ Զուրաբյանը՝ ՀՀԿ-ականներին

«Պարոնայք հանրապետականներ, տա Աստված, որ ձեր միասնականությունը պահեք, խորը կասկածում եմ, ասեմ ՝ ինչու Կարինե ջան, էդ էլ եմ տեսել, էդ միասնականություն պահելը, տեսել եմ՝ ոնց են մարդիկ թիմից առանձին բանակցել ու փախել: Հայաստանում ապրել ենք, չէ՞, ու տեսել ենք, այստեղ մարդիկ կան, որ բուռն ՀՀԿ-ական են, բայց հլը ՀՀՇ-ի տոմսը հետեւում պահում են»,- Ազգային ժողովում վարչապետի ընտրության քննարկման շուրջ իր ելույթում հայտարարեց «Ծառուկյան» խմբակցության պատգամավոր, ՀՀՇ վարչության նախագահ Արարատ Զուրաբյանը: Ըստ նրա՝ այս լարվածության մթնոլորտը պետք է իջնի: «Այդ լարվածությունը չի իջնի նման բովանդակությամբ ելույթների ժամանակ: Պարոնայք ՀՀԿ-ականներ, մենք բոլորս էլ մտահոգ ենք մեր երկրի համար, թե՛ Նիկոլը, թե՛ հրապարակում կանգնած ժողովուրդը եւ այստեղ բոլորս, բայց մտահոգության տարբեր տեսակ կա: Ինձ մտահոգեց, որ դուք ռուսներին տղա եք կանչու՞մ: Ուզում եք ասել, որ Նիկոլը հակառուսական է, ռուսներ դրա վրա ուշադրություն դարձրեք: Այս ինչ եք անու՞մ, սրանով դուք նպաստու՞մ եք, որ հայ-ռուսական հարաբերությունները լավ լինեն: Սա է ձեր հայրենասիրությո՞ւնը, թե՞ մտածում եք, որ այդ ձեւով են հայրենասիրություն խաղացնում: Տենց չեն խաղացնում տղե՛ք, ուզու՞մ եք տղա կանչե՞ք ու ասում եք՝ նայեք, այստեղ մարդիկ ենք, ովքեր ձեզ դեմ են, պայքարենք իրանց դեմ, մենք չենք կարողանում: Այս ձեւը ճիշտ չէ: Ձեր ղեկավարը՝ Սերժ Սարգսյանը, ընդունեց, որ ինքը սխալ է, Նիկոլը՝ ճիշտ»,- ասաց Զուրաբյանը: