Ժողովու՛րդ, ուշադի՛ր եղեք՝ ովքեր են միացել ձեր ջինջ ու լավագույն նպատակներով մղվող շարժմանը. Կարեն Բեքարյան

ԱԺ քննարկումների ժամանակ արձանագրեց ՀՀԿ խմբակցության պատգամավոր Կարեն Բեքարյանը նշեց, որ անհրաժեշտ է տեսնել հանրահավաքի երկրորդ կողմը ևս: «Բայց, արդյոք, մենք չենք տեսնում հարցի երկրորդ կողմը։ Այս օրերին մեզնից ո՞վ չի ունեցել առիթ սոցցաներում հետևելու տարաբնույթ գրառումներին: Սարսափելի վիճակ է տիրում: Ատելության և թշնամանքի այնպիսի սերմանում է տեղի ունենում, որ որքան ուզում ես մակերեսի վրա բեր սերն ու համերաշխությունը, դու նա էլ ունես: Մենք զգում ենք, որ հերթական անգամ ուզում ենք ջրբաժան գիծ գծել, ինչ-որ սև ու ստիպտակներով շարժվել։ Դուրս է գալիս, որ Հանրապետականն այս աշխարհի ամենաչար ուժն է, գամվել է է իր աթոռներին: Ամեն ինչ այդքան պա՞րզ է ու պարզունա՞կ: Նորից դիմում եմ մեր երիտասարդությանը և հանրապետության հրապարակում կամ այլ վայրերում հավաքվածներին։ Ժողովուրդ, այստեղի ելույթներին ուշադիր եղեք, ովքեր են միացել ձեր ջինջ ու լավագույն նպատակներով մղվող շարժմանը: Այսօր ովքե՞ր են խոսում ընտրակաշառքի մասին: Ովքե՞ր են խոսում տարաբնույթ եղանակներով հարցեր լուծելու մասին: Մի ակնթարթում բոլորը մաքրվեցի՞ն։ Բոլորի հետ կապված ամեն ինչ մոռացա՞ք. այստեղ կա միայն Հանրապետականի խնդիր՞ը։ Շուրջներդ նայեք՝  ինչ տիպի նպատակներով, ինչ-տիպի զանգված կա ընդհանուր հավաքվածների մեջ: Վերջիվերջո աշխարհում ցանկացած հեղափոխություն կամ հեղափոխության փորձի ժամանակ, իրոք, եղել են մարդիկ ովքեր հավատացել են ջահը ձեռքներին տարել են, բայց պղտոր ջրում ձուկ որսացողները հաղթանակի ողջ դափնիները գողացել են, գողացել են ամենալկտի ձևերով, ինչպես այսօր ամենալկտի ձևերով, տուրք տալով մոդային, տուրք տալով նրան, որ հողը տակից գնում է, ժամերի րոպեների տարբերությամբ միանում են ձեզ: Նայե՛ք ՝ երբ են միացել, երբ զգացողություն է եղել որ ուժերի տարաբաշխումը շեղվեց։ Եվ  այդ շարժման մաքրությունը դրա՞ն է տանելու։ Մենք խոսում ենք սիրո ու համերաշխության մասին և դրա ներքո այսօր օգտագործում ենք արտահայտություն «ցունամին կգա»: «Ցունամին»  ո՞ւմ  վրա է գալու՝ թշնամու վրա՞: Մեր սիրո ու համերաշխության շարժման, սիրո զարթոնքի գործիքնե՞րն են»,- իր ելույթում նշեց Կարեն Բեքարյանը։