Հենց վաղվանից ՀՀ-ում տնտեսական մենաշնորհ, ներկրման արգելք չի լինելու.Փաշինյան
Վարչապետի պաշտոնում երաշխավորում եմ, որ հենց վաղվանից Հայաստանում չի լինի ոչ մի տնտեսական մենաշնորհ, որևէ մեկի առաջ չի գործի որևէ բան ներկրելու արգելք, ԱԺ-ում հայտարարեց ՀՀ վարչապետի թեկնածու Նիկոլ Փաշինյանը: «Սա պատրաստվում ենք անել ոչ թե որևէ մեկին ճնշելով, հետապնդելով, այլ արգելքները հանելով ու վերացնելով, տնտեսական մրցակցություն ապահովելով, չարաշահումները բացառելով: Տնտեսության հիմքում գիտելիքն ու նորարարաությունը պետք է լինի: Սփյուռքի հետ հարաբերությունների հիմքում պետք է առավելագույնս ներգրավվենք հսկայական ներուժը՝ պետականաշինության գործում: Գյուղական համայքները վարկային բեռի տակ տառապում են՝ բարձր տոկոսներով: Պետք է վարկային տույժ-տուգանքների խնդիրը լուծենք, որ չտուժեն նաև բանկերն ու վարկային կազմակերպությունները: Կարող եմ հայտարարել, որ համաժողովրդական շարժումը գեներացրել է այնպիսի էներգիա, որը հնարավորություն կտա ոչ միայն կանգնեցնել արտագաղթն, այլև սկսել հայրենադարձության իրականացումը»,-ասաց նա: Նա հավելեց, որ չանդրադարձավ այլ ոլորտների, որը կանի կառավարության գործունեության առաջիկա քննարկումների ժամանակ:
Հետևեք մեզ Viber-ում
