... ես շատ ուրախ եմ, որ ՀՀԿ-ականները հնարավորություն են ստացել տալ այն հարցերը, որոնք նրանք տարիներ շարունակ չեն կարողացել տալ

Ե՞րբ է աշխատելու Նաիրիտը.Մելիքյանի հարցը Փաշինյանին: Փաշինյանի խոհեմ պատասխանը՝ Ես դեռ փորձագիտական եզրակացություն չունեմ: Շատ կուզենայի այս հարցը հիմա արդեն ըդդիմադիրի կեցվածքով խոսող ՀՀԿ-ին տալ՝ շաղկապելով. ՛՛Երբևէ մտածե՞լ եք փորձաքննություն անել ձեր օֆշորների ազդեցության շուրջ՛՛, այդ թվում՝ Նաիրիտի հետ կապված: Հենց հիմա Հերմինե Նաղդալյանը հարցնում է՝ ե՞րբ է դադարեցնելու մեր գործընկեր Ռուսաստանը զենքի վաճառքը Ադրբեջանին:Հարցը դեռևս աշխատել չսկսած Նիկոլ Փաշինյանին է: Փայլուն հարց է: Այն դեպքում, երբ ՀՀԿ-ն բազմիցս հայտարարել է՝ դա գործընկերության հարց չէ, բիզնես է:Դե՝ պատասխանը հստակ է՝ մենք պիտի աշխատնեք այդ ուղղությամբ: Բայց ինձ շատ ուրախացնում են ՀՀԿ-ականների հարցերը, նրանց հարցերը գլխավորապես այն խնդիրների շուրջ են, որոնք իրենք հիմնավորապես տապալել են՝ գիտացված կամ ապաշնորհության պատճառով: Չնայած Նիկոլ Փաշինյանին տրվող բազմաթիվ հարցեր նաև նեղ գերատեսչական են, որոնց լուրջ պատասխանելու համար Նիկոլ Փաշինյանը չի կարող տիրապետել գերատեսչական նյութին: Եվ այո, առայժմ ինձ շատ են ուրախացնում Նիկոլ Փաշինյանի լուրջ, զուսպ, չլղոզված, կշռադատված պատասխանները: Եվ այո, ես շատ ուրախ եմ, որ ՀՀԿ-ականները հնարավորություն են ստացել տալ այն հարցերը, որոնք նրանք տարիներ շարունակ չեն կարողացել տալ, և որոնց պատասխաններին մենք վաղուց ենք սպասել: Հրանուշ Խառատյանի գրառումը