«Չհամոզեցիք». ինչ է ուզում լսել Շարմազանովը Փաշինյանից
ԱԺ-ում մեկնարկել է ՀՀԿ խմբակցության հանդիպումը Նիկոլ Փաշինյանի և Արարատ Միրզոյանի հետ: ԱԺ փոխնախագահ Էդուարդ Շարմազանովը հետաքրքրվեց արտաքին քաղաքականության մասին` ասելով, թե Ելք խմբակցությունը միշտ քննադատել է այն և հետաքրքրվեց, թե ԵԱՏՄ-ից դուրս գալու մասով ինչու են տարբերվում պատգամավոր Փաշինյանի և վարչապետի թեկնածու Փաշինյանի ասածները: Փաշինյանը նշեց, թե նա դեմ է քվեարկել անդամակցությանը, սակայն կարծում է, որ այժմ չպետք է դուրս գալ, այլ հակառակը` փորձել ավելի կարգավորել այն: «Ես դեմ եմ քվեարկել ՀՀ-ի անդամակցությանը ԵԱՏՄ-ին: Մենք լինելով քաղաքական ու պետական գործիչներ, պետք է իրողությունների հետ հաշվի նստել, որ ՀՀ-ն այժմ ԵԱՏՄ անդամ է: Արտաքին բնագավառում կտրուկ շրջադարձերը շատ կտրուկ կարող են լինել երկրի համար: ԵԱՏՄ-ում կան խնդիրներ, որոնք պետք է քննարկենք ու հասեննք լուծումների»,- պատասխանեց Փաշինյանը: «Չհամոզեցիք»,- ասաց Շարմազանովը:
Հետևեք մեզ Viber-ում
