Ապրիլյան պատերազմից հետո առաջին անգամ այսօր Թալիշում հարսանիք տեղի կունենա
«Այսօր Թալիշում տեղի կունենա հարսանիք՝ առաջին անգամ Ապրիլյան պատերազմից հետո: Այս մասին Առավոտի հետ զրույցում ասաց Թալիշ համայնքի ղեկավար Վիլեն Պետրոսյանը: Համայնքապետի խոսքով՝ թալիշցիներ Տիգրան Պետրոսյանի և Լիլիթ Բիրուզյանի հարսանեկան արարողությունը կազմակերպվում է հանրապետության նախագահի անմիջական հովանավորությամբ: Մեզ հետ զրույցում Տիգրանը պատմեց, որ 2016-ի ապրիլից հետո իր և իր հարսնացուի ընտանիքները ստիպված էին ապաստանել Արցախի տարբեր բնակավայրերում ՝ Ասկերանի և Մարտակերտի շրջաններում: «Վերջին մեկ տարում ես ինքս բնակվում եմ Թալիշում՝ արդեն մեր հիմնական տանը, որը պատերազմից հետո վերակառուցել ենք: Այժմ, բացի նրանից, որ ծառայում եմ ՊԲ զորամասերից մեկում, նաև ակտիվորեն ներգրավված եմ Թալիշի վերականգնմանը ուղղված շինարարական աշխատանքներում»,-նշեց Տիգրանը: Նա վստահեցրեց, որ հարսանիքից հետո, կարճ ժամանակ անց, վերաբնակություն է հաստատելու Թալիշում: «Ամուսնանալուց հետո անպայման մշտական վերաբնակություն ենք հաստատելու Թալիշում, որպեսզի մնացած թալիշցիները, տեսնելով մեզ, վստահորեն վերադառնան այստեղ»,- ասաց նա»,-գրում է թերթը: Նյութն ամբողջությամբ կարդացեք թերթի այսօրվա համարում:
Հետևեք մեզ Viber-ում
