Որն է եղել Հանրապետական կուսակցության սխալը. Դավիթ Հարությունյանը՝ միջազգային ԶԼՄ-ներին

Միջազգային լրատվամիջոցների համար հրավիրված ասուլիսում ՀՀ արդարադատության նախարարի ժամանակավոր պաշտոնակատար Դավիթ Հարությունյանը մի շարք հարցերի հետ մեկտեղ անդրադարձել է նաև իրեն կուսակցության սխալներին: Ինչպես նշել է՝ իշխանության մոնոպոլացումը և ընդգծված ընդդիմության դերի թերագնահատումը եղել են իշխող Հանրապետական կուսակցության գլխավոր սխալները:  «Կարծում եմ, որ հիմնական խնդիրը մեր՝ Հանրապետական կուսակցության կողմից չհասկացվածությունն է, մեկ քաղաքական կուսակցության՝ իշխանությունը մենաշնորհելու վտանգը: Սա մեր գլխավոր սխալն է, որը մենք ընդունում ենք, իսկ երկրում ուժեղ ընդդիմության առկայությունը նշանակում է ուժեղ պետություն»,- ասել է Հարությունյանը, գրում է Տասս-ը: