Մի խումբ ռուս պատգամավորներ ժամանել են Հայաստան. Ինտերֆաքս

Ռուսաստանի Պետդումայի ԱՊՀ, եվրասիական ինտեգրացիայի  հարցերով հանձնաժողովի անդամները Երևանում են: Այս մասին գրում է «Ինտերֆաքս»  գործակալությունը՝ վկայակոչելով հանձնաժողովի իր աղբյուրին:«Հանձնաժողովի նախագահ Լեոնիդ Կալաշնիկովն ու հանձնաժողովի մի քանի անդամներ հիմա Երևանում են, որտեղ հանդիպումներ են ունենում խորհրդարանի իրենց գործընկեր պատգամավորների հետ»,-ասել է գործակալության զրուցակիցը: Նշվում է, որ ավելի վաղ հանձնաժողովի անդամ Կազբեկ Տայսաևը Պետդումային առաջարկել է հայտարարություն ընդունել Հայաստանում իրավիճակի վերաբերյալ, իսկ համապատասխան հանձնաժողովին՝ Երևան ուղարկել խումբ իրավիճակին տեղում ծանոթանալու համար: