Եթե մի մարդ, որն այդքան վստահ չի իր բանակցային ուժերին հայրենիքի ներսում, ինչպե՞ս է նա պատրաստվում բանակցել Ղարաբաղի հարցի շուրջ.Փաշինյան
«Կարծում եմ, որ Կարեն Կարապետյանը վստահ չէ իր բանակցային ուժերին :Եթե մի մարդ, որն այդքան վստահ չի իր բանակցային ուժերին հայրենիքի ներսում, ինչպե՞ս է նա պատրաստվում բանակցել Ղարաբաղի հարցի շուրջ: Մենք այսպիսի՞ իրավիճակ ենք ունենալու հայ-ադրբեջանական բանակցություններում», - լրագրողների հետ զրույցում ասաց «իմ քայլը» նախաձեռնության առաջնորդ, «Ելք» խմբակցության ղեկավար Նիկոլ Փաշինյանը: Հարցին, թե ինչպե՞ս է վերաբերում ՌԴ նախագահ Վլադիմիր Պուտինի ու ՀՀ վարչապետի պաշտոնակատար Կարեն Կարապետյանի երեկվա հեռախոսազրույցին ու դրա շրջանակում հնչած հայտարարություններին, Փաշինյանն ասաց, որ սա ՀՀ նեղ անձնական հարցն է և ՌԴ-ն, ինչպես նաև ԵՄ-ն ու ԱՄՆ-ն, հարգելով միազգային իրավունքը, չեն միջամտելու ՀՀ ներքին գործերին: «Կարծում եմ՝ Ռուսաստանը, ինչպես միջազգային իրավունքը հարգող պետություն, չի խառնվում Հայաստանի ներքին գործերին: Ես այդ հարցում ուղղակի վստահ եմ: Ես արդեն մեկ անգամ չէ, որ հայտարարել եմ՝ այս շարժումը աշխարհաքաղաքական կոնտեքստ չունի և դա 100 տոկոսանոց ճշմարտություն է», - հավելեց Փաշինյանը:
Հետևեք մեզ Viber-ում
