«Արդեն ողջ աշխարհն է հարգանքով խոսում մեր մասին. մենք իրոք ուժեղ ենք, կարող ենք և ոչ թե ստրուկ». Արշակ Սադոյան

Բարի, բարի լույս սիրելի ֆեյսբուկահայեր Կարծում եմ այսօր արդեն կարելի է քիչ հանգստանալ, կարծում եմ, որ երկրորդ փուլն էլ է արդեն հաջողությամբ ավարտվելու և շարունակությունն էլ: Այսօր ողջ աշխարհն է արդեն հարգանքով խոսում մեր մասին. մենք իրոք ուժեղ ենք, կարող ենք և ոչ թե ստրուկ: Բարի, բարի լույս ողջ Հայ ժողովուրդ, բարի, բարի լույս մեր նոր Հայաստան: Հայաստան, որը արդեն կարող է և պետք է իրոք դառնա բոլոր հայերի հայրենիքը, իր ձեռքը վերցնի աշխարհով մեկ միաձույլ, հզոր Հայ Ազգ կազմակերպության կազմավորման խնդիրները: Ազգ կազմակերպության, որը որպես նպատակային գործունեության ունակ ինքնակառավարվող սուբեկտ իր Հայաստան մայրաքաղաք պետությամբ աշխարհով մեկ պայմաններ կստեղծի, որ մեր ժողովուրդը որպես մեկ ամբողջություն իր ուրույն, իր արժանի տեղն ու դերը գրավի պատմության մեջ, քաղաքակրթական արդի զարգացումներում: Ազգ կազմակերպության, որը աշխարհով մեկ կապահովի, որ ամենուր պաշտպանվեն մեր հայրենակիցների իրավունքներն ու օրինական շահերը, պայմաններ կստեղծի, որ իրեն հայ զգալը, մասնակցությունը ազգանպաստ գործերին ոչ միայն պատվի և հարգանքի, այլ նաև նյութական լուրջ խրախուսման արժանի լինի: Փոխադարձ աջակցության, փոխօգնության սկզբուքով պայմաններ կստեղծի, որ յուրաքանչյուր Հայ, անկախ նրանից թե որտեղ է ապրում, ապրի ավելի արժանապատիվ, ավելի բարեկեցիկ կյանքով: Սիրելի ֆեյսբուկահայեր թույլ տվեք մի հետգրություն էլ անել: Այս օրերին կարծում եմ բոլորը տեսան, թե մենք ինչքան ուժեղ, լավ ժողովուրդ ենք` խնդրում եմ իմ ընկերներին, որ հայուգենի, ախպեր հայ ես.........., և նման այլ թեմաներով կատակներ անելիս հետևեն, որ իրենց մեջ չխոսի թաքնված մազոխիստը: