Մանրամասներ երեկվա ՀՀԿ ԳՄ նիստից

Ինչպես արդեն տեղեկացրել է hayeli.am-ը,երեկ` ապրիլի 24-ին,  տեղի է ունեցել ՀՀԿ ԳՄ նիստը, որը հրավիրել էր  Սերժ Սարգսյանը: Նախապես խիստ հրահանգ է եղել նիստը հրավիրելու և քննարկվող հարցերի մասին տեղեկատվությունը խիստ գաղտնի պահել: Մեզ հաջողվել է որոշ տեղեկություններ ստանալ նիստից: Վարչապետի պաշտոնակատար Կարեն Կարապետյանի երեկվա երկխոսությունից հրաժարվելու հայտարարությունը քննարկվել և համաձայնեցվել է հենց այդ նիստում: Արդեն այսօրվանից ՀՀԿ-ն անցնում է պաշտպանվողական և նախաձեռնողական մարտավարության` սկսվելու են հանրային բաց քաղաքականություն, հարցազրույցներ, հայտարարություներ երկրի սահմանդրական կարգի և ժողովրդավավարական լուծումների վերաբերյալ: Ըստ այդմ` կհայտարարվի, որ ՀՀԿ-ն պատրաստ է գնալ և արտահերթ ընտրությունների և Ազգային ժողովում վարչապետի նոր ընտրության: Այդ նպատակով քաղաքական երկխոսության լայն հարթակ են ստեղծում: Նշվել է, որ Նիկոլ Փաշինյանը իրենց ձեռքը տվել է կարևոր խաղաքարտ` հայտարարելով, որ ժամանակավոր կառավարության վարչապետն  ինքը պետք է դառնա և իրեն պետք է ընտրի հրապարակում հավաքված ժողովուրդը: Սա որպես հակասահմանադրական քայլ` օգտագործվելու է թավշա հեղափոխության դեմ և ներկայացվելու է նաև միջազգային ատյաններին: Սերժ Սարգսյանը մի քանի անգամ ընդգծել է, որ ինքը ոչ մի դեպքում և ոչ մի գնով թույլ չի տա, որ Հայաստանում կրկնվի սիրիական սցենար և չի պատրաստվում իշխանությունը հանձնել արկածախնդիր մարդկանց ձեռքը: