Մտավախություն կա, որ իրավիճակը նորից կլարվի.Կարեն Կարապետյանը դրա լուծումն էլ ունի
ՀՀ վարչապետի պաշտոնակատար Կարեն Կարապետյանը լրագրողների հետ զրույցում տեղեկացրեց,որ նշելով, որ իրենց կուսակցությունում աշխատանքային մթնոլորտ է։ Հարցին, թե մտավախություն չունի՞, որ իրավիճակը երկրում դարձյալ կարող է լարվել, Կարեն Կարապետյանն այսպես պատասխանեց. «Ես մտավախություն ունեմ, և ես դրա լուծումն էլ ունեմ։ Ես առաջարկել եմ, որ բոլոր քաղաքական ուժերը նստեն և բանակցեն, և բանակցեն Սահմանադրության դաշտում։ Մեկս մյուսին չփորձենք կամք թելադրել։ Չափազանց անհրաժեշտ է վերադառնալ բնականոն կյանքին»։
«Նա բացի արձագանքելուց անձնական հեռախոսազրույցներ, հանդիպումներ կունենա։ Ես հուսով եմ, որ մեր բոլոր քաղաքական ուժերը կդիմեն այդ քայլին, որ մեր բոլոր քաղաքացիները կդրդեն քաղաքական ուժերին, որպեսզի նստեն, բանակցեն, մենք այլ տարբերակ չունենք։ Եթե լուծումներ չգտնենք, խնդիրներ ենք ունենալու։
Դա անդրադառնալու է յուրաքանչյուրիս վրա․ աշխատավարձ, աճ, թոշակ, զորակոչ, զբոսաշրջիկ, ներդրողներ և այլն։ Մենք բազմաթիվ ներդրողներ ունեինք, որոնց հետո պետք է բանակցեինք, բայց նրանք հետաձգել են որոշում կայացնելը»,-Կարապետյանն ասաց, որ առավոտյան խոսել է ՀՀ նախագահ Արմեն Սարգսյանի հետ, վերջինս նույնպես, ըստ Կարապետյանի՝ անհանգիստ է ստեղծված իրավիճակից:
Հետևեք մեզ Viber-ում
