Նիկոլի նկարները չտեսնեմ դպրոցների, իշխանության շենքերի պատերին, թե չէ կգամ հեղափոխություն կանեմ. Լևոն Բարսեղյան

Գյումրիի ժուռնալիստների «Ասպարեզ» ակումբի ղեկավար, «Մերժիր Սերժին» նախաձեռնության անդամ Լևոն Բարսեղյանն իր ֆեյսբուքյան էջում կեսկատակ, կեսլուրջ գրառում է արել. «Նիկոլի նկարները չտեսնեմ դպրոցների, իշխանության շենքերի, այլ բյուջետային հիմնարկների պատերին, թե չէ կգամ հեղափոխություն կանեմ»։ Հիշեցնենք, որ ընդամենը երեկ Նոր Նորք համայնքների ընդհանուր իրավասության դատարանը նրան երկու ամսով կալանավորելու որոշում կայացրեց։Լևոն Բարսեղյանին մեղադրանք էր առաջադրվել Քրեական օրենսգրքի երկու հոդվածներով՝ զանգվածային անկարգություններ կազմակերպելու և օրենքով սահմանված կարգի խախտմամբ հավաք կազմակերպելու և անցկացնելու մեջ։