Ինչ կոնկրետ քայլերով պետք է երաշխավորվի ժողովրդի հաղթանակի դե յուրե արձանագրումը. Նիկոլ Փաշինյան

«Այսօր ժամը 15։00-ին Հանրապետության հրապարակից գլխավորելու եմ  երթը դեպի Ծիծեռնակաբերդ: Բարի լույս, սիրելի հայրենակիցներ, այսօր Ապրիլի 24 է, և մենք պետք է հարգանքի տուրք մատուցենք Մեծ եղեռնի զոհերի հիշատակին։ Ուզում եմ հիշեցնել, որ ժամը 15։00 Հանրապետության հրապարակից քայլերթով պետք է գնանք Ծիծեռնակաբերդ: Եթե արտահերթ ոչինչ չպատահի, այսօր մեր միջոցառումների շրջանակը սրանով կավարտվի, վաղը, տեղյակ եք, որ պիտի տեղի ունենա իշխանությունների հետ բանակցությունների  երկրորդ փուլը, և այդ բանակցությունները պետք է վերաբերեն իշխանության անցնցում փոխանցմանը: Եվ վաղը երեկոյան ժամը 7-ին Հանրապետության հրապարակում մենք նորից հանրահավաք կանենք»,-ֆեյսբուքյան ուղիղ եթերում ասաց Նիկոլ Փաշինյանը: