Փորձում եմ անել ամեն ինչ, որ այս վիճակը շտկվի. ՀՀ նախագահը մտահոգ է Նիկոլ Փաշինյանի հարցով

«Մենք, որպես ազգ, չենք կարող աշխարհի առջև դուրս գալ մասնատված: Մենք բոլոր խնդիրները, պրոբլեմներն ի վիճակի ենք լուծելու իրար հետ խոսելով, երկխոսելով, լուծումներ գտնելով, բանակցելով», -լրագրողների հետ զրույցում ասաց ՀՀ նախագահ Արմեն Սարգսյանը։ «Սա է իր հիմնական կոչը։Որևէ մեկը չպետք է հանկարծ կասկածի, որ մենք, որպես հայ՝ անկախ նրանից այսօրվա խնդիրները ինչպիսին են, մենք միասնական պետք է լինենք, որովհետև կյանքը շարունակվում է և էլի հարյուր տարի մեր ազգային արժանապատվությունը և մեր խնդիրները պետք է պաշտպանենք», - ասաց նա։ «Այդ հարցով շատ մտահոգված եմ ։ Եթե դուք սահմանադրությունը լավ գիտեք, ՀՀ նախագահի լիազորությունների սահմանում փորձում եմ անել ամեն ինչ, որ այս վիճակը շտկվի և լուծում ստանա», -  անդրադառնալով Նիկոլ Փաշինյանի ձերբակալմանն ու այն բանին, որ նրա գտնվելու վայրը հայտնի չէ, ասաց նախագահը : Արմեն Սարգսյանը ևս մեկ անգամ ընդգծեց՝ լուծման միակ ճանապարհը երկխոսությունն է։