Գեորգի Կուտոյանը թող գնա վարչապետի մոտ ու բացատրի.Փաշինյան
Նիկոլ Փաշինյանը լրագրողների հետ զրույցում անդրադարձավ Սերժ Սարգսյանի ՝իրեն ուղղված քաղաքական երկխոսության կոչին. « Ի տարբերություն Մարտի 1-ի, այսօր ողջ հայությունն է աջակցում մեր շարժմանը: Սփյուռքին կոչ եմ անում այդ աջակցությունը մեծացնել, զանգերով եւ նամակներով ճնշում գործադրել Սերժ Սարգսյանի վրա, որպեսզի նա հրաժարական տա: Սերժ Թանկյանին, Շառլ Ազնավուրին եւ մյուս մտավորականներին կոչ եմ անում միավորվել եւ Սերժ Սարգսյանին ներկայացնել իրերի դրությունը»: «Չեմ հավատում, որ ՀՀ-ում կա ոստիկան կամ զինվորական, որը պատրաստ է իրենց վրա կրակել: Հայի ցանկացած կրակոց պետք է ուղղված լինի շփման գծից այն կողմ, եթե անհրաժեշտություն լինի: Վարչապետը չի տիրապետում իրավիճակին եւ լավ չի պատկերացնում, թե ինչ է կատարվում:ԱԱԾ ղեկավար Գեորգի Կուտոյանին եղբայրաբար կոչ եմ անում զեկուցել իրավիճակը Սերժ Սարգսյանին եւ բացատրել, որ նրա համառությունը սպառնում է ՀՀ ազգային անվտանգությանը: Կուտոյանին, ոստիկանապետին, պաշտպանության նախարարին հորդորում եմ գնալ ու դա բացատրել Սերժ Սարգսյանին: Նրա համառության ամեն օր սպառնալիք է ՀՀ անվտանգության համար: Համարձակություն ունեցեք գնալ նրա մոտ: Դա դավաճանություն չէ, այլ ծառայություն՝ ՀՀ-ին: Բացատրեք նրան, որ նա կորցրել է իշխանությունը եւ պետք չէ վտանգի տակ դնել ՀՀ եւ Արցախի անվտանգությունը: Սա իմ կողմից ոչ թե վերջնագիր է, այլ քաղաքական պահանջ»:
Հետևեք մեզ Viber-ում
