«Մարտի 1»–ը չի կարող կրկնվել.Նիկոլ Փաշինյան
Նիկոլ Փաշինյանը երթի ընթացքում անդրադարձավ ՀՀ վարչապետ Սերժ Սարգսյանի` երկխոսության կոչին. «Պատրաստ եմ քննարկել Սերժ Սարգսյանի հեռացման պայմանները: Մենք վենդետաներ չենք ուզում, վրեժխնդրություն չենք ուզում, ուզում ենք, որ իշխանության փոխանցումը ժողովրդին մաքսիմալ անցնցում տեղի ունենա: Ես էլ եմ կարծում, որ կարող են լինել անդառնալի կորուստներ, դրա համար Սերժ Սարգսյանին կոչ եմ անում անհապաղ ընդունել մեր բոլոր պայմանները»,-ասաց նա: Փաշինյանը նշեց, որ եթե Սերժ Սարգսյանը մտավախություն ունի, որ իր ընտանիքը, թոռները վատ վերաբերմունքի կարժանանան, ինքը երաշխավորում է, ժողովուրդը երաշխավորում է, որ այդպիսի բան լինել չի կարող, քանի որ Հայաստանում ներհայաստանյան թշնամանքի էջը փակված է:
««Մարտի 1»–ը չի կարող կրկնվել, քանի որ ի տարբերություն մարտի մեկի, այսօր ողջ հայությունն աջակցում է շարժմանը, և կոչ արեց սփյուռքի հայրենակիցներին այդ աջակցությունը մեծացնել, անընդհատ զանգերով, նամակներով ճնշել իշխանությանը: Նա կոչ արեց Սերժ Թանկյանին, Շառլ Ազնավուրին, Հայաստանի և սփյուռքի մտավորականներին անհապաղ խմբվեն և նախաձեռնություն ցուցաբերեն: Ես չեմ հավատում, որ ՀՀ-ում կա ոստիկան, զինվորական, որ պատրաստ է մեզ վրա կրակել: Հայ ազգի ցանկացած ներկայացուցչի կրակոց պետք է ուղղված լինի շփման գծից այն կողմ` անհրաժեշտության դեպքում:Այս իրավիճակը չհամեմատել այլ ժամանակների հետ, քանի որ ներկայումս ուրիշ իրավիճակ է, և որևէ եզր չկա նախկին իրադարձությունների հետ»,-ասաց նա:
Նա նշեց, որ այսօր ամեն քաղաքացի պայքարում է ընտանիքի արժանապատվության համար:
Ես շփման համար փակ չեմ, բայց քննարկման թեման կարող է լինել Սերժ Սարգսյանի հեռացման պայմանները: Այս մասին շարունակեց պնդել Նիկոլ Փաշինյանը և նշեց, որ այդ պայմանները պետք է ընդունեն ոչ միայն ինքը, այլ շարժման մասնակիցներին:
«Սերժ Սարգսյանն իրականում չի տիրապետում իրավիճակին, ես կարծում եմ, որ այնքան էլ լավ չի պատկերացնում, թե ինչ է կատարվում Հայաստանում»-ասաց նա։
Հետևեք մեզ Viber-ում
