Հատուկջոկատայինները ցուցարարներին բերման են ենթարկում
Դավիթ Սանասարյանն ու մի քանի աջակիցներ ավտոերթ էին անցկացնում Էրեբունի վարչական շրջանում: Նիկոլ Փաշինյանն ու համախոհները Նոր-Նորք վարչական շրջանում էին:Փաշինյանը քաղաքացիների` մանդկանց բերման ենթարկելու մտահոգությանը արձագանքեց, որ հազարավոր մարդիկ կան այնտեղ, ո՞ր մեկին են տանելու, և հարցադրում արեց, թե երկու միլիոն մարդ հնարավո՞ր է տանել: Իսկ երեխաների վերաբերյալ նա ասաց. «Երեխեքի ցավը տանեմ, կգնան, երեք ժամ կհանգստանան, կգան: Սիրելի´ ոստիկաններ, ոնց որ միշտ անում եք, բերման ենթարկվածներին, խնդրում ենք, սուրճ հյուրասիրեք, կոնֆետ, քաղցրավենիք, որովհետև մենք ձեր եղբայրն ենք, դուք էլ մեր եղբայրն եք»:
Հավաքի մասնակիցները երթով շարժվեցին առաջ դեպի Ավան թաղամաս:
Գայի պողոտայում ավելի վաղ բավական լարված էր իրավիճակը: Հատուկ ջոկատայիններն արդեն մոտ 10 հոգու բերման էին ենթարկել:
Հետևեք մեզ Viber-ում
