Մարդ կա՝ միշտ նստած բողոքում է, թող դուրս գա ու պայքարի. Սոնա Շահգելդյանի զայրացած կոչը

Երգչուհի Սոնա Շահգելդյանը այսօր ֆեյսբուքյան իր էջում կիսվել է Ռուբեն Հախվերդյանի երեկվա հանրահավաքում հնչեցրած կոչով եւ գրել. «Որոշ մարդկանց խորհուրդ կտամ ձեւական չլինել, երգարվեստի մարդկանց եմ ասում, անկեղծ եղե՛ք, դիվանագիտական բաներ մի՛ արեք: Վատ է, էլի, որ փիառի կարիք են ունենում, արագ-արագ գալիս են երգելու: Ես իմ կարծիքն եմ գրում, ոչ ոքի չեմ վիրավորում: Անկեղծ եղեք, իսկ ժողովուրդը լավ գիտի, թե ում է սիրում, ում՝ չէ: Ես սրտանց միշտ իմ ժողովրդի կողքին եմ եղել: Մարդ կա՝ միշտ նստած բողոքում էր, թող դուրս գա ու պայքարի: Փառք Աստծո, որ այսքան տարիներին ամեն բանի ինձանով եմ հասել ու կողքս ոչ մեկ չի եղել եւ ոչ մրցանակների կարիք ունեմ, ոչ էլ՝ կոչումների: Լավ գիտեք՝ ոնց է էդ ամենն արվում»: