Պաշտպանել եւ ապահովել երկրում խաղաղ հավաքների ազատության իրավունքը. ԺՀՄԻԳ տնօրեն

Վարշավա, 19 ապրիլի, 2018 - ԵԱՀԿ Ժողովրդավարական հաստատությունների եւ մարդու իրավունքների գրասենյակի (ԺՀՄԻԳ) տնօրեն Ինգիբյորգ Սոլրուն Գիսլադոտիրը այսօր կոչ է արել ՀՀ իշխանություններին պաշտպանել եւ ապահովել երկրում խաղաղ հավաքների ազատության իրավունքը, քանի այնտեղ շարունակվում են բողոքի ակցիաները: Այդ մասին տեղեկանում ենք ԵԱՀԿ պաշտոնական կայքից: «Բոլոր մարդիկ ունեն իրենց կարծիքը խաղաղ ցույցերի միջոցով արտահայտելու հիմնարար իրավունք», - ասել է ԺՀՄԻԳ տնօրենը: «Իրավապահ մարմինները պետք է ոչ միայն ձեռնպահ մնան խաղաղ հավաքների ազատության իրավունքին միջամտելուց, այլև պատասխանատվություն կրեն ունենան այդ իրավունքը դյուրացնելու համար: Սա ներառում է մասնակիցների անվտանգության ապահովումը ցանկացած տեսակի խոչընդոտների դեմ, ինչպիսիք են, օրինակ, սադրիչները կամ հակընդդեմ ցուցարարները»: Առաջարկելով Հայաստանի իշխանություններին և ընդդիմությանը գալ երկխոսության՝ Գիսլադոտիրը մտահոգություն է հայտնել Հայաստանի ոստիկանության կողմից խաղաղ ցուցարարների, այդ թվում, անչափահասների նկատմամբ բռնի ուժի կիրառման անհամաչափ օգտագործման դեպքերի, ինչպես նաեւ Երեւանում եւ այլ քաղաքներում անկանոն ձերբակալությունների դեպքերի վերաբերյալ: «Իշխանությունները պետք է համոզված լինեն, որ հանրային անվտանգությունը ապահովելու համար ցանկացած միջոցառումները օրինական են, անհրաժեշտ եւ համաչափ, եւ ուղղված չեն հակընդդեմ կարծիքները լռեցնելու համար», - ասել է Գիսլադոտիրը: