Աղջկան ոտքերով խփել են կենտրոնի թաղապետարանի աշխատակիցները. Դավիթ Սանասարյան

Ինչպես արդեն տեղեկացրել ենք, առավոտյան բերման են ենթարկվել Դավիթ Սանասարյանը եւ տասնյակ այլ ակտիվիստներ: Մեր տեղեկություններով՝ նրանց մի մասը ոստիկանության Երեւան քաղաքի վարչության կենտրոնական բաժնում են: Մեզ հաջողվեց ճշտել, որ ներսում են Անուշիկ Խաչատրյանը, Արա Ալթունյանը, էդիկ Բաբաջանյանը, Քրիստինե Պողոսյանը: Քիչ առաջ ոստիկանության այս բաժին ժամանեցին ՀՀԿ-ական պատհգամավորներ Միհրան Հակոբյանը, Արման Սաղաթելյանը եւ ԵԼՔ-ից էդմոն Մարուքյանը: Այս պահի դրությամբ ոստիկանության տարբեր բաժիններ բերման ենթարկված ակտիվիստների թիվը 36-ն է: Ավելի ուշ «Հայկական ժամանակի» թղթակիցը հայտնեց, որ այդ պահին ոստիկանության կենտրոնի բաժնում կա 23 բերման ենթարկված: Տեղեկությունը ՀԺ-ի հարցին ի պատասխան ասաց ԱԺ պատգամավոր էդմոն Մարուքյանը։ Նրանց թվում է նաեւ Փաշինյանի որդին եւ Դավիթ Սանասարյանը: Նրանցից 12֊ը բերման են ենթարկվել հանրային ռադիոյի քրգործի շրջանակներում, իսկ 11-ը՝ վարչական իրավախախտումների պատճառով: ՀԺ-ի լրագրողը, Ոստկանության բաժնից դուրս գալուց հետո, էդմոն Մարուքյանից հետաքրրքվեց՝ իր կարծիքով ոստիկանությունը մտադրություն ունի բերման ենթարկելով մաշեցնել այս շարժումը: Մարությանն ասաց, որ դա իրատեսական չէ, քանի որ ոստիկանական գործողությունները քաղաքացիներին ավելի է համախմբում եւ եթե լայնամասշտաբ բերման ենթարկելու գործողություններ լինեն, քաղաքացինեը գնալով կշատանան: ՀԺ-ի լրագրողը նաեւ հետաքրքրվել է, թե նա ինչ կարծիք ունի Սերժ Սարգսյանի այն հայտարարության մասին, որ փողոցում ընդամենը տասնյակ մարդիկ կան: Մարուքյանը նշեց, որ ինքը բազմիցս կրկնել է, որ Հանրապետականը այլ աշխարհում է ապրում: Լրագրողների հարցին, թե հնարավոր է որ խորհրդարանում ինչ-որ քայլեր ձեռնարկվեն՝ իրավիճակը հարթեցնելու նպատակով, Մարուքյանը չբացառեց, որ հնարավոր է լսումների կամ էլ հանձնաժողովների մակարդակով քննարկում լինի:  Ավելի ուշ՝ ժամը 11:50-ի, սահմաններում՝ ոստիկանության Երեւանի կենտրոնի բաժնից ազատ արձակվեց «Մերժին Սերժին» նախաձեռնության անդամ Դավիթ Սանասարյանը: Նա մեր զրույցում նշեց, որ իրեն բերման են ենթարկել Ամիրյան փողոցից, երբ փորձել է փակ ճանապարհները բացել: Նա խոսելով ծեծված Քրիստինա Պողոսյանի մասին, նշեց, որ աղջկան ծեծել են Երեւանի կենտրոն վարչական շրջանի (Նախկինում՝ կենտրոնի թաղաապետարան կոչվող) աշխատակիցները, քանի որ նա նստած է եղել թաղապետարանի վարչական շենքի դիմաց: Սանասրյանի փոխանցմամբ Քրիստինան, ծեծվելուց հետո դիմել է ոստիկաններին՝ տեղեկացնելով. որ ծեծի է ենթարկվել: Այդ պահին նրան բերման են ենթարկել: Ակտիվիստը շարունակում է մնալ ոստիկանության Երեւան քաղաքի վարչության կենտրոնական բաժնում: