Ոստիկանները բերման ենթարկեցին ակտիվիստ կնոջը
Գյուլբենկյան փողոցի ոստիկանները բերման ենթարկեցին ակտիվիստ կնոջը: Ակտիվիստները փորձում էին խոչընդոտել ոստիկաններին, սակայն ի վերջո, ոստիկանները կնոը նստեցրին «Տոյոտա Կորոլա» մակնիշի ոչ պետական համարանիշներով մի մեքենա եւ տարան: Նիկոլ Փաշինյանը ֆեյսբուքյան ուղիղ եթերի միջոցով տեղեկացրեց, որ արդեն սկսվել է բեռնատարներով փողոցները փակելու անհնազանդությունների գործողությունները: Նա փոխանցեց բեռնատարների վարորդներին, որ միայն դրանք կայանելը բավարար չէ, պետք է այնպես անել, որ այդ բեռնատարները որոշ ժամանակ չկարողանան շարժվել տեղից, պետք է թուլացնել անվադողերը, անել ինչ-որ բան՝ դրանց խափանված տեսք տալու համար: Նիկոլ Փաշինյանը նաեւ հավելեց, որ ինքը կլինի այն փողոցում, որտեղ ամենաակտիվը կփակեն փողոցը ու կլինեն ամենաակտիվ գործողությունները: Այդ ընթացքում Գյուլբենկյան փողոցում ոստիկանների թիվն ավելանում էր, նրանք փողոցը փակած քաղաքացիօներին զգուշացնում են, որ եթե ճանապարհը չբացեն, ապա բերման կենթարկեն: Ոստիկանության ներկայացուցիչները փորձում էին համոզել ակցիայի մասնակիցներին, որ բացեն փողոցը: «Մենք ձեզ բերման կենթարկենք ոստիկանության օրինական պահանջը չկատարելու համար»,-ասաց ոստիկանը: Բացի այդ, ոստիկաններն սկսեցին փողոցը փակած մեքենան օրորելով տեղաշարժել:
Հետևեք մեզ Viber-ում
