Ում և ինչպես է հաջողվել Սերժ Սարգսյանի նկարը դուրս շպրտել ոստիկանության բաժանմունքի պատուհանից

Սերժ Սարգսյանի նկարն այսօր Զեյթունի ոստիկանական բաժանմունքի պատուհանից դուրս են նետել։ ՀՀ ոստիկանությունն այդ առնչությամբ հայտարարություն է տարածել. Ոստիկանության Քանաքեռ-Զեյթունի բաժին իրավախախտման կասկածանքով բերված` Վահագ Գևորգյան ներկայացած անձը Մարդու իրավունքների պաշտպանի աշխատակազմի ներկայացուցչի հետ առանձնազրույց ունենալու ընթացքում, օգտվելով սենյակում ոստիկանության ծառայողի բացակայությունից, ինչն օրենքի պահանջ է, պատուհանից դուրս է նետել ՀՀ վարչապետի լուսանկարը: Միջադեպը որոշ անձանց կողմից անհարկի շահարկման առիթ է դարձել։ Կոչ ենք անում անլուրջ հայտարարություններով եւ գործողություններով չինքնադրսեւորվել, ձեռնպահ մնալ փոքր և անհարիր արարքներից: