Վրաց-ադրբեջանական իդեալական հարաբերություններ

Վրաստանի ու Ադրբեջանի միջև կան իդեալական հարաբերություններ, ինչը ևս մեկ անգամ հաստատել է Ադրբեջանի նախագահ Իլհամ Ալիևի հետ հանդիպումը, երեկ Բաքվում հայտարարել է Վրաստանի նախագահ Գեորգի Մարգվելաշվիլին, ով Ադրբեջան է մեկնել Բաքվի գլոբալ ֆորումին մասնակցելու նպատակով: Այս մասին հայտնում է «Գրուզիա օնլայնը»: «Մեր երկրների միջև հարաբերությունները շարունակելու են զարգանալ, մենք Մետաքսի ճանապարհի ամենահետաքրքիր երկրներից ենք ու հետագայում էլ ենք զարգացնելու մեր համագործակցությունը՝ ցուցադրելով իդեալական բարիդրացիական հարաբերությունների օրինակ»,- հայտարարել է Մարգվելաշվիլին: