Ապրիլի 16-ին, արտակարգ դեպք է տեղի ունեցել Երևանում: Ժամը 21:00-ի սահմաններում Արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Աջափնյակ վարչական շրջանի Շինարարներ-Ջանիբեկյան փողոցների խաչմերուկում ավտոմեքենան մխրճվել է բենզալցակայանի մեջ և առկա է վառելիքի արտահոսք: Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են թիվ 7 հրշեջ-փրկարարական ջոկատը՝ խմբի պետ Ավետիսյանի գլխավորությամբ՝ 2 մարտական հաշվարկով, այնուհետև ժամանել է թիվ 13 հրշեջ-փրկարարական ջոկատը: Հրշեջները հատուկ փրփուր են օգտագործել բենզալցակյանի վրա, քանի որ բենզինի ուժեղ արտահոսք էր սկսվել, երբ Mercedes մակնիշի 35 DN 793 համարանիշի ավտոմեքենայի վարորդ, 34-ամյա Կառլեն Բաղդասարյանը դուրս է եկել ճանապարհի հանդիպակաց երթևեկելի գոտի և մխրճվել բենզալցակայանի կրպակի մեջ: Մինչ հրշեջ-փրկարարների դեպքի վայր ժամանելը, Կ. Բաղդասարյանը, ավտոմեքենայի ուղևորը բժշկական հետազոտման նպատակով տեղափոխվել են Արմենիա բժշկական կենտրոն: Վիրավորներին այդ պահին օգնություն է ցուցաբերել նաև Երևանի բնակիչ, 17-ամյա Էդգար Մանուկյանը, ով անցնելիս է եղել այդ պահին և նկատելով վիրավորներին՝ օգնության ձեռք է մեկնել, ինչի ժամանակ էլ վնասվածք է ստացել: Նրան նույնպես տեղափոխել են Արմենիա բժշկական կենտրոն: Դեպքի վար են ժամանել Ճանպարհային ոստիկանության 1-ին սպայական գումարտակի ծառայողները: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապան Գարիկ Հակոբյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննչական խումբը: Փաստի առթիվ նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Լուսանկարները՝ Գագիկ Շամշյանի
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հոկտեմբերի 21-ին՝ ժամը 15։00-ին, Հայելի ակումբի հյուրն է Հովհաննես Շահինյանը
Հոկտեմբերի 21-ին՝ ժամը 14։00-ին, Հայելի ակումբի հյուրն է Արմենակ Դանիելյանը
Հոկտեմբերի 21-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Հոկտեմբերի 21-ին՝ ժամը 11։00-ին, Հայելի ակումբի հյուրն է Նաիրա Գևորգյանը
Հոկտեմբերի 20-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը
Հոկտեմբերի 20-ին՝ ժամը 14։00-ին, Հայելի ակումբի հյուրն է արտակարգ և լիազոր դեսպան Ձյունիկ Աղաջանյանը
Հետևեք մեզ Viber-ում
