«Գործ ունենք երկրորդ սառը պատերազմի հետ». Սուրեն Սարգսյան (միջազգայնագետ) (video)

«Կա կարծիք, որ Ասադին այս պահին ձեռք չի տալիս քիմիական զենք կիրառելը, իսկ եվրոպական երկրներն ասում են, մինչդեռ եվրոպական երկրներն ասում են՝ Ասադն իր ժողովրդի դեմ քիմիական զենք է կիրառում»,-այսօր Հայելի ակումբում լրագրողների հետ հանդիպմանն ասաց միջազգայնագետ Սուրեն Սարգսյանը: Միջազգայնագետի խոսքով՝ վիճակը շատ լարված է, հաշվի առնելով՝ ինչ է հայտարարել ԱՄՆ-ն. ««ԱՄՆ-ը հայտարարել է, որ պատրաստվում է հրթիռակոծել Սիրիայի տարածքը, ինչը կարող է լուրջ հետևանքներ ունենալ, մանավանդ, եթե հրթիռակոծության արդյունքում զոհվեն ռուս զինվորականներ, ինչը չի բացառվում։ Սիրիայում բախվում են տասնյակ պետությունների, զինված խմբավորումների, ահաբեկչական կազմակերպությունների շահեր։ Սիրիան դարձել է տարածաշրջանային գերտերությունների համար հարաբերությունները պարզելու մի պլատֆորմ»: Հարցին՝ սիրիական կոնֆլիկտը Ռուսաստան-ԱՄՆ հակամարտություն է, թե՞ իսկապես հարցը Սիրիային է վերաբերվում, բանախոսը նշեց. «Եվ՛ մեկը, և՛ մյուսը, բայց պետք է մի բան արձանագրել՝ ռուս-ամերիկյան հարաբերությունները գտնվում են երկրորդ սառը պատերազմի փուլում»: Մանրամասները՝ տեսանյութում.