«Հայաստանում կարող էր վաչապետ լինել ամեն ոք, բացի Սերժ Սարգսյանից». Պարույր Հայրիկյան (video)
«Ինչպե՞ս Հայաստանի քաղաքացին հավատա այն նախագահին, ով իր խոսքը չի պահել: Սա հարցի բարոյական կողմն է, իսկ իրավական կողմը սահմանադրությունն է, որն ընդունվեց բազմաթիվ խախտումներով է»,- այսօր Հայելի ակումբում հրավիրված ասուլիսին նման տեսակետ հայտնեց ԱԻՄ առաջնորդ Պարույր Հայրիկյանը: Խոսելով Արմեն Սարգսյանի մասին՝ ԱԻՄ առաջնորդն ասաց, որ վերջինս ընտրվել է սահմանադրական չգործող կետով.«ՀՀ նախագահի ընտրության օրը, մենք սև դրոշներով հուղարակվորեցինք ՀՀ սահմանադրությունը»: ԱԻՄ առաջնորդի խոսքով՝ այսօրվա Հայաստանի պաշտոնապես նախագահ ճանաչված անձը և վաղը՝ որպես միակ թեկնածու առաջադրվող վարչապետը, չեն ստացել ՀՀ քաղաքացիների հավանությունը: Եզրափակելով խոսքը՝ Պարույր Հայրիկյանն ասաց. «Հայաստանում կարող էր վարչապետ լինել ամեն ոք, բացի Սերժ Սարգսյանից: Դե արի՛, ՀՀ քաղաքացի, ապրիր իր խոսքն ուրացող վարչապետի երկրում» : Մանրամասները՝ տեսանյութում.
Հետևեք մեզ Viber-ում
