Ես ասում, որ այս ախտը պետք է հանվի.Րաֆֆի Հովհաննիսյանը Ֆրանսիայի հրապարակում էր.ինչ է խոսել Փաշինյանի հետ
Քիչ առաջ Հայաստանի Ֆրանսիայի հրապարակ եկավ «Ժառանգություն» կուսակցության առաջնորդ Րաֆֆի Հովհաննիսյանը: Նա ցանկանում էր տեսնել ԱԺ «Ելք» խմբակցության ղեկավար, «Քաղաքացիական պայմանագիր» կուսակցության անդամ Նիկոլ Փաշինյանին: Րաֆֆի Հովհաննիիսյանը շրջեց Ֆրանսիայի հրապարակում, ողջունեց հավաքվածներին, ողջագուրվեց Նիկոլ Փաշինյանի հետ եւ մի քանի րոպե զրուցեց նրա հետ: « Այս պայքարը շարունակությունն է այն երկարատև պայքարին, որ տարել է մեր ժողովուրդը տարիների ընթացքում: Դրանք մի շղթա են կազմում, այդ շղթայի տրամաբանության մեջ հնարավոր է իշխանափոխությունը»,- լրագրողների հետ զրույցում ասաց Րաֆֆի Հովհաննիսյանը: Անդրադառնալով Փաշինյանի այն մտքին, որ եթե 100 հազար քաղաքացի հավաքվի եւ իրենց աջակցի, ապա իրենց հաջողությունը երաշխավորված է, Րաֆֆի Հովհաննիսյանն ասաց, որ չի ցանկանում գնահատական տալ դրան, սակայն կարեւոր է, որ ժողովուրդը իր ոգով եւ իր քանակով պատրաստ լինի երկար կանգնելու: «5 տարի առաջ մեր պայքարի ժամանակ, ես հարթակից ասում էի, որ սա երկարատեւ պայքար է, մեկ օրվա պայքար չէ եւ ինչ այսօր չի լուծվում, վաղն անպայման կլուծվի: Այ ն, որ հայ ժողովուրդը պետք է իր քանակով եւ իր քվեով կանգնի, դա կարեւոր է»,- ասաց նա: Հարցին՝ միայն Սերժ Սարգսյանին հեռացնելը բավարա՞ր է՝ Ր. Հովհաննիսյանը պատասխանեց, որ սա մի ամբողջ համակարգի աղտահանում է, անուններով պետք չէ խոսել. «Որևէ մեկը չի կարող իրեն հավասարեցնել պետության հետ, որ ինքն է պետությունը և վերջ: Հայաստանում գործող ղեկավարները գտնում են, որ իրենք անփոխարինելի են, և Աստծո առաջ ասում են, որ «պետական շահն ասում է, որ ես պետք է ուխտադրույժ լինեմ»: Պետական գործիչը պետք է ասի՝ ես պետության մասնիկն եմ, բայց պետությունը չեմ»: Ես պարզապես ասում եմ, որ պետական մարդը, գործիչը, պետք է ասի, որ ես պետության մասնիկն եմ, ես պետությունը չեմ: Իսկ պետության շահը ենթադրում է , որ ես շարունակեմ իմ ծառայությունը, բայց ոչ երբեք այս խեղկատակության միջոցով, որ կեղծ հանրաքվեով, որ նախագահը դարձրեց սուպերվարչապետական եւ ամեն ինչ գնում է նրան, որ նույն մարդը ապրի նույն տանը եւ աշխատի նույն վայրում հավերժաբար եւ ամեն ինչը՝ Սահմանադրությունը, վարքուկարգը հյուսվում է մի մարդու ընտանիքի եւ նրա շահերի հիման վրա: Ես ասում, որ այս ախտը պետք է հանվի եւ վերջապես մեն կկարողանանք գտնել այդ միասնության բանաձեւը»,-ասաց նա:
Հետևեք մեզ Viber-ում
