Ռուսաստանի Պետդուման պատասխանում է ԱՄՆ-ին. պատժամիջոցների օրինագիծ է ներկայացվել

Ռուսաստանի Պետդումայում օրինագիծ է ներկայացվել ԱՄՆ պատժամիջոցների դեմ պատասխան միջոցառումների մասին: Այս մասին հայտնում են ռուսական լրատվամիջոցները: Օրինագիծը ներկայացրել են Պետդումայի խոսնակ Վյաչեսլավ Վոլոդինը և խմբակցությունների ղեկավարները: Փաստաթղթով առաջարկվում է արգելք կամ սահմանափակումներ մտցնել Ռուսաստանում աշխատող ԱՄՆ կամ այլ օտար պետությունների քաղաքացիների նկատմամբ, այդ թվում՝ բարձրորակ մասնագետների, բացի այդ՝ սահմանափակել ալկոհոլային եւ ծխախոտային, գյուղատնտեսական ապրանքների, հումքի, սննդամթերքի եւ դեղորայքի ներմուծումը Միացյալ Նահանգներից: Առաջարկվում է նաև արգելել դեղամիջոցների ներմուծումը բացառությամբ Ռուսաստանի չարտադրվող դեղերի:Օրինագծով առաջարկվում է արգելել տեխոնոլոգիական սարքավորումների և ծրագրային ապահովման պետական գնումները, բարձր որակավորում ունեցող մասնագետների ներգրավումը, բարձրացնել ամերիկյան օդանավերի աերոնավիգացիոն սպասարկման գինը, որոնք բեռնափոխադրումներ անելիս օգտագործում են Ռուսաստանի օդային տարածքը:Փաստաթոււթը նախատեսում է ատոմային արդյունաբերության, ավիաշինարարության, հրթիռաշարժիչային արդյունաբերության, խորհրդատվական, աուդիտորական և իրավաբանանական ծառայությունների մատուցման ոլորտներում դադարեցնել համագործակցությունը այն ընկերությունների հետ, որոնց կապիտալում ԱՄՆ իրավասության տակ գտնվող կազմակերպությունների մասնաբաժինը գերազանցում է 25%-ը: Փաստաթղթի քննարկումը նախատեսված է ապրիլի 16-ին: