Հետխորհրդային Ադրբեջանի անփոփոխ նախագահը. նա շարունակում է ամրապնդել իշխանությունը

Ալիեւը ապրիլի 11-ին կայացած նախագահական ընտրություններում ստացել է ընտրողների ձայների 80-ից ավելի տոկոսը: Եվրոպական կառույցների դիտորդները նախատեսում են հրապարակել իրենց զեկույցը: Ադրբեջանի գործող նախագահ Իլհամ Ալիեւը ապրիլի 12-ին թեւակոխեց իր պաշտոնավարման 4-րդ շրջանը: Այս մասին գրում է Ամերիկայի ձայնը: Ըստ Ադրբեջանի Կենտրոնական ընտրական հանձնաժողովի՝ Ալիեւն ապրիլի 11-ին կայացած արտահերթ նախագահական ընտրություններում ստացել է ընտրողների ձայների 86,03%-ը: Նշենք, որ Ադրբեջանի ընդդիմադիր կուսակցությունները բոյկոտել եւ հարցականի տակ էին առել անցած ընտրությունների օրինականությունը, ինչպես նաեւ՝ հայտնել հավաքների եւ մամուլի ազատության սահմանափակման մասին: Մինչ եվրոպական կառույցների դիտորդները նախատեսում են հրապարակել իրենց զեկույցը՝ չորեքշաբթի օրը անցկացված ընտրություններում քվարկելուց անմիջապես հետո Ալիեւը շնորհակալություն է հայտնել Ադրբեջանի քաղաքացիներին `իր վարչակազմի ձեռքբերումների եւ հաջողությունների օգտին քվեարկելու համար: Երկու սահմանադրական բարեփոխումների միջոցով իր իշխանությունն ամրապնդած Ալիեւի կողմնակիցները Բաքվի կենտրոնական փողոցներում տոնում էին նրա հաղթանակը: Արեւմտյան փորձագետների կարծիքով՝ թեեւ նավթով հարուստ հետխորհրդային Ադրբեջանին հաջողվել է բարգավաճել անկախացումից հետո՝ նավթի գների համաշխարհային անկումը բացասաբար է ազդել Ադրբեջանի տնտեսության վրա: