Վարչապետի օգնականի կինը վաճառել է բնակարանը

«Փաստ» օրաթերթը գրում է. «Վարչապետի օգնական Կարապետ Վարդանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր եւ իր կնոջ 2017 թ. տարեկան հայտարարագրերը: Պաշտոնյան հայտարարագրել է 450 հազար դրամ ու 1200 ամերիկյան դոլար դրամական միջոցներ, տարեկան եկամուտներն էլ կազմել են 6 միլիոն 566 հազար դրամ ու ստացվել աշխատավարձից: Կինը՝ Վարդուհի Ֆեսչյանը, իր պաշտոնյա ամուսնուց ավելի շատ գումար ունի: Նա հայտարարագրել է 600 հազար դրամ ու 1500 ԱՄՆ դոլար, իսկ տարեկան եկամուտները կազմել են 27 միլիոն 787 հազար դրամ, որից 2 միլիոն 787 հազար դրամը նրա աշխատավարձն է, իսկ 26 միլիոն դրամը բնակարանի վաճառքից ստացված գումարը: Կարապետ Վարդանյանը չունի պաշտոնը ստանձնելու հայտարարագիր, թեեւ այս պաշտոնն է զբաղեցրել դեռեւս 2011 թ.: Առավել մանրամասն՝ թերթի այսօրվա համարում