Չեմ կարծում, որ անընդհատ ականներ պետք է դնել նոր պաշտոնյաների տակ.Արմեն Ռուստամյան
«Հույսերը մեծ են :Այն փոփոխությունները, որոնք նախատեսել ենք այս համակարգային փոփոխությունների արդյունքում իրականացնել, պայմանավորված են նախագահի պաշտոնով», -լրագրողների հետ զրույցում ՀՀ նորընտիր նախագահ Արմեն Սարգսյանի երդմնակալությունից առաջ ասաց ՀՀ ԱԺ ՀՅԴ խմբակցության ղեկավար Արմեն Ռուստամյանը: «Այդ հարցն անընդհատ շահարկելը տեղին չէ: Չեմ կարծում, որ անընդհատ ականներ պետք է դնել նոր պաշտոնյաների տակ: Չենք ունեցել նախադեպ, որ մի նախագահ ունենանք, որի նկատմամբ որևէ կասկած չհարուցենք: Թողենք մարդը աշխատի, 7 տարին մեկ անգամ է լինելում, էլ չի լինելու: Սա իր համար էլ պատմական շանս է, որ կարողանա լիարժեք աշխատել և պատմության մեջ իր անույնը թողնել», -անդրադառնալով լրատվամիջոցներում աընդհատ շրջանառվող լուրերին այն մասին, որ Արմեն Սարգսյանը ՀՀ քաղաքացիություն ունենալու մասին լիարժեք փաստաթղթեր չի ներկայացրել, ընդգծեց Ռուստամյանը: Ինչ վերաբերում է ապագա վարչապետի անձին, ՀՅԴ խմբակցության ղեկավարը վստահեցրեց, որ ՀՀԿ–ի հետ առայժմ այդ հարցը չեն քննարկել, բայց իրենք կհարգեն մեծամասնության որոշումը։ «Ծառուկյան» դաշինքի` իշխանական կոալիցիա մտնելու մասին լուրերը Ռուստամյանը հերքեց։ Իսկ Նիկոլ Փաշինյանի նախաձեռնած` ԱԺ–ի մուտքը փակելու բողոքի ակցիան որակեց անօրինական։
Հետևեք մեզ Viber-ում
