Սասուն Միքայելյանը միացել է #ԻմՔայլը ակցիային/տեսանյութ/

#ԻմՔայլը ակցիայի մասնակիցները  7-րդ օրը Դիլիջանում էին. ՔՊ-ականներն ավարտում են Ֆիոլետովո գյուղի մոտակայքում, Դիլիջան Ազգային պարկի հենց պռնկին, նրանք քայլելով  անցել են 120-ից ավելի կիլոմետր:ԱԺ ԵԼՔ խմբակցույան պատգամավոր Սասուն Միքայելյանը եւս միացել է Նիկոլ Փաշինյանի իմ քայլը պայքարի արշավին: Խումբն այս պահին Դիլիջանում է: Նիկոլ Փաշինյանի փոխանցմամբ՝ ճամբար են այցելել իրենց ընկերները Դիլիջանից, Իջեւանից, Նոյեմբերյանից, Հրազդանից: « Հայաստան Պետության ճակատի ներկայացուցիչների  հետ խոսեցինք եւ քննարկեցինք որոշակի հարցեր: Գաղափար ծնվեց, որ միավորման թեման պետք է փոխարինենք աշխատանքի բաժանման թեմայով, որովհետեւ Սերժ Սարգսյանի 3-րդ ժամկետի կանխելու համար շատ մեծ ծավալի աշխատանք կա յուրաքանչյուրի համար: Ավելի ճիշտ է, որ մենք խոսենք աշխատանքը բաժանելու մասին եւ տեսնել, թե մեր գործողությունները ինչպես կարող ենք դարձնել առավել արդյունավետ»,- ասաց Նիկոլ Փաշինյանը: Նիկոլ Փաշինյանն, ընթերցելով Սերժ Սարգսյանի 2014 թվականի ապրիլի 10-ի հայտարարությունն ասաց. «Ժողովուրդ ջան, կոչ եմ անում այս հայտարարության տեսանյութը գտնել եւ քեֆերից առաջ, քեֆերից հետո նայել»: Նշենք, որ քայլերթը մարտի 31-ին, Գյումրիից Նիկոլ Փաշինյանը մենակ սկսեց, սակայն ընթացքում նրան էին միանում իր թիմակիցները: Փաշինյանը հայտարարել է, որ պատրաստվում են քայլել շուրջ 200 կմ, որը կավարտեն Երեւանի Ազատության հրապարակու, ապրիլի 13-ին ժամը 18.30-ին: Ընդհանուր առմամբ, քայլերթը կշարունակվի 14 օր: «Քաղաքացիական պայմանագիր» կուսակցության անդամները իրենց առջեւ խնդիր են դրել անցնել Հայաստանի խոշորագույն քաղաքներով՝ Գյումրիով, Վանաձորով, Սպիտակով, Դիլիջանով, Աբովյանով, Հրազդանով: