«Ռազմահայրենասիրությունը կապ ունի զենքի հետ, բայց դա չէ գլխավորը». Արկադի Տեր-Թադևոսյան (video)

Արցախյան ազատամարտի հերոս Արկադի Տեր-Թադևոսյանը այսօր Հայելի ակումբում լրագրողների հետ հանդիպմանը՝ խոսելով երիտասարդների շրջանում ռազմահայրենասիրական դաստիարակության ռազմավարության մասին նախագծի վերաբերյալ նշեց. «Ռազմահայրենասիրությունը կապ ունի զենքի հետ, սակայն գլխավորը դա չէ: Աղջիկները կարող են զենք չվերցնել իրենց ձեռքը: Ռազմահայրենասիրությունը պետք է կապվի արժեքների հետ, պետք է հիմնվենք արժեքների վրա»: Արցախյան հերոսի խոսքով՝ ռազմահայրենասիրության շուրջ քննարկումներում հայտնվել ենք քաոսի մեջ. «Մարդիկ կան՝ այնպիսի բաներ են խոսում, ասում են՝ գրականությունը պետք չէ, սա պետք չէ, այն պետք չէ: Մի տեսակ կորցնում ենք մեր հայկական էությունը»: Եզրափակելով խոսքը՝ Կոմանդոսը նշեց, որ երիտասարդները գնահատում են հայրենասիրությունը, երբ այդ ամենն իրենց աչքերով են տեսնում. «Ապրիլյան պատերազմը ցույց տվեց՝ ինչ տոկուն երիտասարդներ ունենք»: Առավել մանրամասն՝ տեսանյութում.