Քննչական կոմիտեի հատկապես կարևոր գործերով զբաղվող քննիչներից մեկը երեկ զանգահարել է Ժիրայր Սեֆիլյանի փաստաբան Տիգրան Հայրապետյանին և հայտնել, որ նյութեր են նախապատրաստվում Ժիրայր Սեֆիլյանի վերջին խոսքի հետ կապված։ Այս մասին այսօր Հայելի ակումբում լրագրողներին հայտնեց փաստաբան Տիգրան Հայրապետյանը:«Իշխանությունները նոր դավադրություններ են կազմակերպում Ժիրայր Սեֆիլյանի դեմ: Ցանկանում են մեզ լռեցնել, մեզ լռեցնել հնարավոր չէ: Գործող ռեժիմը Հայաստանը Հյուսիսային Կորեայի վերածելու ռեսուրս չունի, ուստի շատ շուտով հոգին ավանդելու է, պարզ է, որ սա հոգեվարքի գործողություններ են: Վերջին խոսքում ժիրայր Սեֆիլյանն ընդամենը կանխատեսում էր, որ շուտով հայ ժողովուրդը պետք է վերամիավորվի, այդ խոսքերում չկար որևէ մի բան, որը կարող էր քրեական հետապնդման կամ նյութերի նախապատրաստման հարց առաջանար»,- ասաց նա:
Փաստաբանը նաև նկատեց, որ օրենքով սահմանված կարգով դատավճիռը պետք է ուղարկվեր 5 օրերի ընթացքում, 3 շաբաթ է անցել, բայց դատավճիռն այդպես էլ չկա:
«Ժիրայր Սեֆիլյանը 10 ամսվա ընթացքում մեկ անգամ հնարավորություն չի ունեցել արտահայտվելու, անգամ վերջին խոսքը չթույլատրեցին, որ նա խոսի, վերջին խոսքը պաշտպանն ընթերցեց, ու պարզվում է՝ այդ տեքստն ընթերցելու համար էլ նախապատրաստվում են նյութեր ու քրեական պատասխանատվության կարող է անձը ենթարկվել: Սա մեկ անգամ եւս հաստատում է, որ խոսել, թե անձը, հատկապես ընդդիմադիր քաղաքական գործիչներն ունեն խոսքի, արտահայտվելու կամ քաղաքական գործունեությամբ զբաղվելու իրավունք, սա ուղղակի պատրանք է, այդ իրավունքը չի իրացվում»,- նշեց նա:
Ապրիլի 22-ին՝ ժամը 14։30-ին, Հայելի ակումբի հյուրն է Խաչիկ Մանուկյանը
Ապրիլի 22-ին՝ ժամը 16։00-ին, Հայելի ակումբի հյուրն է Էլյանորա Մանանդյանը
Ապրիլի 22-ին՝ ժամը 13։00-ին, Հայելի ակումբի հյուրն է Երվանդ Բոզոյանը
Ապրիլի 22-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Ապրիլի 22-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Ապրիլի 21-ին՝ ժամը 16։00-ին, Հայելի ակումբի հյուրն է Հայկ Նահապետյանը
Ապրիլի 21-ին՝ ժամը 13։30-ին, Հայելի ակումբի հյուրն է քաղաքագետ Արթուր Մարտիրոսյանը
Ապրիլի 21-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 21-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 20-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը