Ինչո՞ւ են կրակել՝ «ՍԱՍ գրուպ»-ի 27ամյա մենեջեր աղջկա ուղղությամբ…

Կրակել են «ՍԱՍ գրուպ»-ի մենեջերի և ՍՊԸ թարգմանչի ուղղությամբ. կա վիրավոր Ժամը 17։00-ի սահմաններում ոստիկանության Երևան քաղաքի վարչության պարեկապահակային ծառայության գնդի 5-րդ գումարտակի 2-րդ վաշտի և ճանապարհային ոստիկանության 1-ին սպայական գումարտակի 6-րդ դասակի ծառայողները Թումանյան փողոցի և Հյուսիսային պողոտայի խաչմերուկից ոստիկանության կենտրոնական բաժին են բերման ենթարկել Երևան քաղաքի Ավան վարչական շրջանի բնակիչ՝ 24-ամյա Վլադիմիր Պողոսյանին։ Ինչպես հայտնում է shamshyan.com-ը, ոստիկաններն այնուհետեւ կենտրոնական բաժին են հրավիրել Երեւանի բնակիչներ՝ 27-ամյա Մարգարիտա Ղազարյանին եւ 23-ամյա Մարգարիտա Պողոսյանին։ Գ. Շամշյանի տեղեկություններով՝ նույն օրը՝ ժամը 16։30-ի սահմաններում, Թումանյան եւ Կողբացու փողոցների խաչմերուկում ուսով միմյանց դիտավորյալ հարվածելու պատճառով վիրավորել են, որի ժամանակ Վ. Պողոսյանը բացահայտ անհարգալից վերաբերմունք է ցուցաբերել հասարակության նկատմամբ եւ դիտավորությամբ կոպիտ կերպով խախտել հասարակական կարգը, որի ժամանակ էլ նա իր մոտ եղած «Բերետա» տիպի ատրճանակով կրակոցներ է արձակել Մ. Ղազարյանի եւ Մ. Պողոսյանի ուղղությամբ։ Կրակոցների հետեւանքով Մ. Ղազարյանը ստացել է մարմնական վնասվածք։ Ոստիկանները հայտնաբերել են նաեւ նշված ատրճանակը։ Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում։