Երեխային վիրահատել են 1,5 ժամից ավելի
Հյուսիսային պողոտայի «Քինգ Բուրգեր» սննդի կետում տեղի ունեցած երեկվա պայթյունի հետեւանքով ամենածանր վիճակում գտնվող Ռուբինա Մարկոսյանին վիրահատել են: Վիրահատությունը տեւել էր 1,5 ժամից ավելի: Բժիշկների փոխանցմամբ, երեխայի մոտ կոնքազդրային շրջանում մեծ չափի սալջաարդ կար՝ պատռված, արնահոսող վերքերով: Արնահոսության դադարեցում է կատարվել, բոլոր պատռվածքները կարվել են, երեխայի վիճակը գնահատվում է ծանր, բայց կյանքին վտանգ չի սպառնում: Հիվանդանոցում գտնվող ԱԺ նախագահ Արա Բաբլոյանը մանրամասներ է հայտնել ապրիլի 2-ին, ժամը 20:44-ին Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում տեղի ունեցած պայթյունից տուժած երեխաների առողջական վիճակից: «Բարեբախտաբար երեխաների վիճակը միջին ծանրության է: Բոլորը տարբեր վնասվածքներ են ստացել՝ թեթևից մինչև ծանր:»,-ասաց նա: Արա Բաբլոյանը տեղեկացրեց, որ այս պահին բոլորի վիճակը ստաբիլ է: Ինչ վերաբերում է իր հիվանդանոց գնալուն, ապա ասաց, որ ուղղակի իր պարտքն է կատարել, որոշելով գալ եւ այցելել պաթյունի հետևանքով վնասված երեխաներին:
Հետևեք մեզ Viber-ում
