Թիլերսոնի խոստացածը Թրամփը մերժում է

The Wall Street Journal պարբերականը՝ վկայակոչելով ամերիկացի պաշտոնյաներին հայտնել է,որ ԱՄն նախագահ Դոնալդ Թրամփը սառեցրել է Սիրիայի վերականգնման համար հատկացված 200 միլիոն դոլարը։ «Հինգշաբթի Թրամփը, ելույթ ունենալով Օհայոյում, հայտնել է, որ ԱՄՆ-ն շուտով դուրս կգա Սիրիայից ու «մյուսներին» է կոչ արել հոգ տանել տարածաշրջանում այս հակամարտության մասին:Սպիտակ տունն արդեն կարգադրել է Պետդեպարտամենտին սառեցնել դրամական միջոցների հատկացումը։ Այդ որոշումը կայացվել է այն բանից հետո, երբ նախագահը լրատվամիջոցներում կարդացել է հաղորդագրություն այն մասին, որ Վաշինգտոնը պարտավորվել է լրացուցիչ 200 մլն դոլար վճարել Արաբական հանրապետության վերականգնման համար» , -ասվում է հոդվածում:

 «Իր լիազորությունները վայր դրած պետքարտուղար Ռեքս Թիլերսոնը խոստացել էր այդ գումարը փետրվարին Քուվեյթում կոալիցիայի նիստի ժամանակ, որպեսզի հաղթանակ տանի ԻՊ-ի հանդեպ»,- հավելում են թերթի աղբյուրները։