« Հնարավոր է ռուսական ռազմական ոստիկանությունը փակի դեպի Արցախ տանող ճանապարհը ». Ստեփան Գրիգորյան (video)

Քաղաքագետ Ստեփան Գրիգորյանը վստահ չէ, թե ինչու են Հայաստանում որոշել ռուսական ռազմական ոստիկանության ստորոբաժանում ստեղծել. «Ես այս նորության մասին իմացա Ռիա Նովոստիից և չգիտեմ պատճառը Պերմյակովի դե՞պքն էր, թե՞ ոչ: Չեմ բացառում, որ Հայաստանի իշխանություններն էլ են Ռիա Նովոստիից իմացել»: Քաղաքագետը մի շարք ենթադրություններ արեց՝ նշելով. «Ենթադրենք ռուս զինվորները զորամասից դուրս եկան, խախտեցին կանոնները, բայց ես չեմ կարծում, որ ճիշտ է ռուսական ռազմական ոստիկանությունը շրջի ամբողջ Հայաստանով»: Վերջում Ստեփան Գրիգորյանը հավելեց, որ մենք այսօր չունենք 5-րդ շարասյուն. «Ի դեմս բոլշևիկների մենք ունեինք 5-րդ շարասյուն: Իրոք, ինչ որ չափով ռոմանտիկ էինք, որը շատ թանկ նստեց մեզ վրա: Բարեբախտաբար հիմա 5-րդ շարասյուն չկա, բայց Ռուսաստանից վտանգը կա»: Առավել մանրամասն՝ տեսանյութում.