6 տուփ ծամոնի առեղծվածը
ԱԺ ՀՀԿ խմբակցության պատգամավոր Սամվել Ալեքսանյանին պատկանող «Երևան Սիթի» սուպերմարկետում խաբեության դեպք է տեղի ունեցել: «Հայկական ժամանակ»-ի խմբագրությանը դիմած քաղաքացին տեղեկացրեց, որ այսօր գնումներ է կատարել սուպերմարկետի Կոմիտասի մասնաճյուղից, իսկ տանը ուսումնասիրելով գնումների կտրոնը պարզել է, որ ըստ կտրոնի իրեն վաճառել են տարբեր գների վեց տուփ մաստակ: Այն ընդհանուր արժեցել է 1070 դրամ: Ծամոններից երեքն արժեցել է 150 դրամ, երկուսը՝ 210, իսկ մեկը՝ 200 դրամ: Քաղաքացին գնումների ժամանակ ծամոն առհասարակ չի գնել: Քաղաքացին ՀԺ-ին տեղեկացրեց, որ ինքը տեղի ունեցածի մասին նաև ֆեյբուքում է գրառում կատարել, որից հետո սուպերմարկետի ղեկավարությունից կապվել են իր հետ և հրավիրել խնդիրը պարզաբանելու: Մեզ հետ զրույցի պահին քաղաքացին դեռ չէր այցելել, սակայն պատրաստվում էր գնալ՝ պարզաբանումների հետևից: Հ.Գ. Մեզ դիմած քաղաքացին հենց նոր զանգահարեց խմբագրություն և հայտնեց որ թյուրիմացություն է տեղի ունեցել, ինքը գնումներ կատարելիս միայնակ չի եղել և պարզվում է, որ ընկերն իսկապես 6 հատ մաստակ գնել է, պարզապես ինքը այդ պահին դրամարկղից հեռու է եղել և դա չի նկատել:
Հետևեք մեզ Viber-ում
